Í þessum fyrirlestri munu þær Helga Guðrún Friðþjófsdóttir og Lilja Guðmundsdóttir, Næringarfræðingar, M.Sc., fara yfir það hvernig hægt er að hafa jákvæð áhrif á einkenni PCOS með næringu og öðrum venjum án þess að koma sér upp boðum og bönnum í fæðuvenjum."
Fræðslan er opin öllum félagsmönnum en aðrir áhugasamir greiða 1.000 kr. 
Viðburðurinn verður haldinn í Setrinu, Hátúni 10 kl. 20:00.

Frábæra teymið frá Serum í Grikklandi eru í heimsókn dagana 4. og 5. mars. Með þeim í för er Anastasia Polytsopoulou, kona sem sérhæfir sig í frjósemisnuddi/nálastungum og hefur lengi verið í samstarfi við IVF Serum. Anastasia mun bjóða upp á frjósemisnudd/nálastungur og Serum teymið (Penny, Sofia og Janus) upp á viðtöl við einstaklinga og pör. 
​

Nýlega stofnaði stjórn Tilveru, samtök um ófrjósemi, styrktarsjóð en í þann sjóð fer öll sala af lyklakippu sem Hlín Reykdal hannaði fyrir samtökin. Hægt er að sjá lyklakippuna á heimasíðu samtakanna www.tilvera.is. Tilgangur styrktarsjóðsins er að styrkja árlega nokkra félagsmenn vegna kostnaðar við óniðurgreiddar glasameðferðir.
24. október 2017 verður haldinn aðalfundur samtakanna í sal Icepharma að Lynghálsi 13, klukkan 20. Á þeim fundi verður í fyrsta sinn dregnir út tveir 50.000kr styrkir. Búið er að opna fyrir umsóknir og hvetjum við alla, sem uppfylla skilyrðin sem má sjá hér að neðan, til að sækja um. Umsóknarfrestur er til 16 október.
Hver getur sótt um?
• Allir Félagsmenn Tilveru sem greitt hafa félagsgjald fyrir árið 2017 – 2018 og hafa farið í óniðurgreidda glasa- eða smásjármeðferð á tímabilinu mars 2017 til oktober 2017.
Skilgreining á óniðurgreiddri glasa- eða smásjármeðferð: Heil meðferð þar sem ríkið tekur ekki þátt í að niðurgreiða meðferð, ss fyrsta meðferð, meðferð númer 5 + og/eða ef par á saman barn. Ekki er átt við uppsetningu á frystum fósturvísum.
Hvernig get ég sótt um?
Sendu nöfn og kennitölur ykkar beggja ásamt afriti af kvittun á póstfangið [email protected]. Vinsamlegast takið fram hversu margar meðferðir þú/þið hafið farið í. 
ATH enn er möguleiki á að gerast félagsmaður og sækja um.

Í dag fengum við lyklakippurnar sem Hlín Reykdal hannaði í samstarfi við Tilveru. Byrjað verður strax í fyrramálið að fara með í póst lyklakippur sem vonandi skila sér til nýrra eiganda á næstu dögum.
Tilvera mun nota allan ágóða af sölunni til þess að veita styrki til félagsmanna sem hægt verður að sækja um fljótlega.
Lyklakippuna er hægt að kaupa hér neðar á síðunni.