Tilfinningahliðar ófrjósemi

Fræðslufundur Tilveru 4. Febrúar 2012 kl. 14:00  
í sal FSA á Akureyri /gengið inn sunnanmegin.

Fyrirlesari er Dr. Gyða Eyjólfsdóttir sálfræðingur.
Mun hún fjalla um tilfinningahliðar ófrjósemi.
Hvaða áhrif ófrjósemi og meðferðir við ófrjósemi geta haft á sjálfsmynd einstaklinga, tilfinningar þeirra og samskipti við maka og aðra.
Farið verður yfir mun á viðbrögðum karla og kvenna við ófrjósemi.
Einnig mun hún fjalla um neikvæðar hugsanir sem sækja að
fólki sem er að kljást við ófrjósemi og tilfinningaleg viðbrögð við neikvæðri niðurstöðu úr meðferð.

Fundargestum er velkomið að spyrja spurninga og
tækifæri er fyrir umræður í lokin.

Fundargestir eru hvattir til að bjóða aðstandendum með sér.
Fyrirlesturinn getur hjálpað þeim að skilja hvað
ástvinur þeirra er að upplifa og takast á við.

Kveðja, stjórn Tilveru

Atkvæðagreiðsla

Alþingi 140. löggjafarþing. 44. fundur. Atkvæðagreiðsla 46193
4. mál. staðgöngumæðrun
(heimild til staðgöngumæðrunar)
Þskj. 4.
18.01.2012 15:49
Samþykkt

Fræðslufundir hvað skal vera?

Tilvera hefur staðið fyrir uþb. 3 fræðslufundum á ári, tengda ófrjósemi. Fyrirlestur Hilmars líffræðings um hvað gerist á rannsóknarstofunni á ART er orðinn fastur liður á haustin. Núna langar okkur í stjórninni að leita til ykkar félagsmanna varðandi hugmyndir fyrir hina tvo fræðslufundina.

Hvað myndir þú vilja fræðast um?

Skorum á Velferðarráðurneytið að endurskoða breytingar á greiðsluþátttöku vegna tæknifrjóvgunarmeðferða.

Hafin hefur verið undirskriftasöfnun á netinu (sjá tengil hér fyrir neðan) sem við í stjórninni styðjum heils hugar. Við viljum hvetja þig til að skrifa undir og fá alla vini og vandamenn til að gera slíkt hið sama. Reynið líka að fá þá til að láta tengilinn ganga áfram. Gott er að benda fólki á að það er aldrei að vita hvenær einhver nákominn gæti þurft á þessari aðstoð að halda.
Það hefur sýnt sig að fjöldinn getur haft áhrif. Ef við leggjum öll okkar af mörkum við að safna undirskriftum hlýtur að verða hlustað á okkur.
Gefumst ekki upp!