Betri helmingurinn minn er mjög duglegur við að taka inn heilt lyfjabúr af vítamínum sem eiga að hjálpa sundgarpaframleiðslunni; en hann tekur zink, fólinsýru, 100 mg C-vítamín (út af reykingum), borðar kíví á hverjum degi, tekur fljótandi lýsi og omega-3 perlur ... fljótandi lýsið bað hann sjálfur um að ég myndi kaupa fyrir hann, hann var búinn að lýsa því yfir áður að ef ég ætlaðist einhvern tímann til þess að hann myndi drekka það að þá yrði ég einhleyp hehehe, svo eftir niðurstöðuna úr fyrstu sæðisrannsókninni þá byrjaði hann sjálfviljugur að taka inn fljótandi lýsi á hverjum degi í staðinn fyrir lýsisperlurnar. Á tímabili tókum við bæði inn Sarsaparilla líka, en ég hef reyndar ekki keypt það aftur síðan við kláruðum það fyrir nokkrum mánuðum. Ég hef nefnilega fundið svo misvísandi svör um hvað það gerir varðandi sæðisframleiðslu - sumar síður á netinu segja að það hjálpi gegn ófrjósemi en aðrar segja bara að það hjálpi gegn GETULEYSI ... í mínum huga er það ekki alveg það sama ...

Hann fer ekki í heita potta, hefur ekki tölvuna í kjöltunni, drekkur engan bjór né annað áfengt lengur (hann grætur það mikið þessa dagana og horfir löngunaraugum á jólabjórinn ... ætli það sé ekki í lagi að hann fái einn eða tvo yfir jólin? Það hlýtur bara að vera í lagi!), búinn að minnka reykingarnar niður í nánast ekkert miðað við hvað hann reykti mikið og vonandi getur hann fljótlega hætt alveg.

Í janúar verður honum blessuðum síðan skellt í nálastungur sem hann verður svo vonandi reglulega í fram í apríl þegar smásjármeðferðin okkar hefst. Ég er líka mikið búin að pæla í því hvort ég eigi að kaupa Ask úr grasalækningabúðinni á Laugarveginum; en það á að hjálpa sæðisframleiðislunni mikið skilst mér.

Vá ... við hljómum áreiðanlega eins og við séum hálf undarleg og með þráhyggju á háu stigi ... en æi, við viljum endilega gera allt sem við getum til að auka möguleika okkar á að verða foreldrar. Þetta hefur líka strax borið árangur hjá okkur, því að í seinni sæðisrannsókninni þá hafði frumunum fjölgað um 3 milljónir þótt hreyfileikinn væri reyndar enn jafn slæmur.

Hæ hæ,
minn betri helmingur hefur einmitt gert eitt og annað... og bætt ýmislegt, en annað ekki. Hann hefur tekið inn flest þau vítamín sem við höfum nokkurn tíman lesið að gæti hjálpað en ég held að það sem hjálpaði samt mest var þegar reikningarnar minnkuðu og áfengi. Það hefur svakalega mikil áhrif. Í fyrstu prufu sem við fórum í voru um 5 milljón frumur, en eftir 6 mánuði voru þær komnar upp í 40 milljón og hafa haldist á milli 40 & 50 milljón í öllum prufum síðan (þó svo að hann sé nú ekki alveg eins duglegur lengur 3 árum seinna að taka öll þessi vítamín!). Hins vegar hefur magnið af sæði og sáðvökva eða "volume" eins og GA hefur kallað það ekkert aukist... svo ég vildi spyrja ef einhver hefur náð að bæta það eitthvað?

bkv,
krossaputta

Jæja, minn bóndi er kominn í nálastungur. Búinn í fyrsta tímanum og fer í númer fljótlega. Hann er líka byrjaður að taka inn Ask tvisvar á dag. Nú vonum við bara að þetta muni virka til þess að færa okkur frumburðinn.

krossaputta: Það er frábært að maðurinn þinn gat fjölgað sæðisfrumunum upp í heilar 40-50 milljónir með því að minnka reykingarnar og áfengið! Alveg magnað. En ég skil ekki alveg þetta með "volume"-ið ... ég hélt alltaf að "sæði" væru sáðfrumurnar? Eru þið samt ennþá í vandræðum með sæðið þótt hann hafi náð að auka frumurnar svona mikið? Afsakaðu fáfræðina í mér!

Hæ hæ

þegar talað er um fjölda sáðfruma þá er verið að tala um milljónir per ml eða (eða míkrólítra eða eitthvað!). Sem sagt þó að einhver sé sagður með 5 milljón ef volume-ið var mikið (segjum kannski 5 ml) þá hefur hann í raun skilað inn 25 milljón frumum. Það er samt alltaf farið eftir hversu margar voru per magn. Þannig að hann er bara að skila inn nokkrum dropum svo þó að hann sé með 40-50 milljón á þetta fyrirfram ákveðna magn, af því að magnið hans er svo lítið þá gerir það svo lítið gagn fyrir okkur í heimaleikfiminni ef þið skiljið mig! Ég vil nú ekki vera dónaleg og tala um eitthvað klúrið... en það sem sagt "sprautast" ekki hjá honum þar sem magnið er svo lítið... heldur rétt lekur það út!

vona að þetta hafi eitthvað skírt þetta!

bkv,
krossaputta!